Хави бош мураббий сифатида илк совринини қўлга киритди

Испаниялик машҳур футбол юлдузи Хави Қатарда мураббийлик билан шуғулланаётганидан кўпчиликнинг хабари бор.

Эътиборлиси, кеча у бошчилик қилаётган "Ал-Садд" клуби шайх Яссим кубогини қўлга киритди. Улар финалда "Ал-Духайл"ни 1:0 ҳисобида енгди ва бош совринни қўлга киритди. Таъкидлаш керакки, бу “Ал-Садд” тарихидаги юбилей 70-соврин бўлди.

Эслатиб ўтамиз, Хави “Ал-Садд”ни жорий йилнинг май ойидан бошлаб бошқариб келмоқда. У клуб билан 2 йиллик шартнома имзолаган.