Хави “Челси” таклифини блоклади

“Барселона”га Хави бош мураббий бўлганидан кейин жамоани нидерландиялик ўйинчилардан тозалашга киришганди. Бироқ, испаниялик мутахассис Френки де Йонг борасида фикрини ўзгартирди.

Френкининг Каталониядан кетиши мумкинлиги ҳақидаги хабар тарқалгач, унга “Челси” оғиз сола бошлади. “Аристократлар” нидерландиялик ярим ҳимоячини ёши ўтиб бораётган Жоржиньо ва Нголо Канте ўрнига олиб келишни режалаштираётган эди.

Бироқ, яқинда Хави ҳозирги таркибдан Френки де Йонг ва Гави ҳеч қандай таклиф эвазига сотилмаслигини маълум қилди.

Шу тариқа, “Челси” 90 миллион еврога баҳоланган 24 ёшли нидерландиялик футболчини қўлдан чиқарди.