Хави: Эль-класикодаги ғалаба "Реал"га жиддий зарба бўлади

Каталониянинг "Барселона" клуби бош мураббийи Хави Эрнандес бугун Испания чемпионатининг 26-тури доирасида бўлиб ўтадиган "Реал"га қарши учрашув ҳақида гапирди.

“Биз бу ўйинда устунлик қилишга ҳаракат қиламиз. Келинг, буни қила оламизми, йўқми, кўрамиз. Мадридда бўлиб ўтган кубок баҳсидан кўра анча фаолроқ ўйнашга ҳаракат қиламиз. Бу жанг кескин кечади. Бироқ ҳеч бир эль-класикони олдиндан тахмин қилиб бўлмайди. Бу ўйинда ғалаба қозонишимиз эса рақибга жиддий зарба бўлади”, - дея испаниялик мутахассиснинг сўзларидан иқтибос келтиради Marca нашри.

Эслатиб ўтамиз, эль-класико бугун “Камп Ноу” стадионида бўлиб ўтади. Учрашув Тошкент вақти билан соат 01:00да бошланади.