Хави "Интер" футболчисини ўз жамоасида кўрмоқчи

Хави "Интер" ярим ҳимоячиси Марцело Брозовични ўз жамоасида кўришни истайди. 

Аввалроқ, каталонияликлар "нерадзурри"ларга Кессиэ ҳамда Брозовични алмаштиришни таклиф қилаётгани ҳақида хабарлар чиқаётганди. 

"Mundo Deportivo" нашри тарқатаётган хабарга кўра, "кўк-анорранглилар" устозига 30 ёшли хорватнинг ўйинлари ёқади. 

Шундай бўлса-да, мазкур трансфер амалга ошиши қийин. Авваламбор, клубда ушбу трансфер учун пул йўқ. Шунингдек, Франк жамоадан кетишни истамайди. Ўйин амалиёти кам бўлишига қарамай, у Каталония клубида қолиш ниятида.