Хави "Интер" футболчисини таркибга қўшиб олмоқчи

"Барселона" бош мураббийи Хави клубга яна янги футболчиларни таклиф этмоқчи. Бу галги нишон "Интер" футболчиси Марсело Брозовичга қаратилган. 

Хабар қилинишича, бу трансферни испаниялик мутахассиснинг шахсан ўзи истамоқда. Мутахассис ҳозирда таянч ярим химоя чизиғини кучайтирмоқчи ва бу ўринга хорватни муносиб номзод, деб ҳисоблаяпти.

Шунингдек, 29 ёшли футболчига "Тоттенхэм", МЮ ва ПСЖ каби топ клублар қизиқиш билдирмоқда. 

Маълумот ўрнида, Марсело Брозович жорий мавсум А Сериядаги 22 ўйинда иштирок этиб, ўз ҳисобига битта ассист ёзиб қўйган.