Хавига керак бўлмай қолган икки юлдузга зўр харидор чиқди

“Барселона” юлдузлардан таркиб топган бўлса-да, айрим ўйинчилар турли сабабларга кўра Хави қураётган жамоадан четда қолиши табиий ҳол.

Хусусан, ўтган йили Рональд Куман томонидан жамоага олиб келинган Мемфис Депай ўзига янги жамоа топиши керак. Айнан Куман билан чиқиша олмай, Туркияга ижарага жўнатилган Миралем Пьянич ҳам энди каталонияликларга керак эмас.

Бу икки юлдузни “Интер” ўз сафига қўшиб олмоқчи. Миланликлар бош мураббийи Симоне Индзаги ҳар икки ўйинчининг ҳам мухлиси ҳисобаланади ва уларнинг имкониятини юқори баҳоламоқда.

Пьянич бир неча мавсум давомида “Ювентус”да порлаган ва А Серияда ўйнаш тажрибасига эга. Нидерландиялик ҳужумчи эса, фаолияти давомида бир неча мамлакатларда тўп тепган ва ҳар қандай лигага тез мослаша олади.