Хайр, "Олтин тўп"?

Чемпионлар лигасининг нимчорак финалида "Ливерпуль" ПСЖ билан тўқнаш келди ва биринчи баҳсда ғалаба қозониб, жавоб учрашуви олдидан устунликка эга бўлиб олди. Иккинчи ўйин "қизиллар"нинг уйида бўлишига қарамай, Париж жамоаси зафар қучди. 

Ўйиннинг 12-дақиқасида Дембеле умумий ҳисобни тенглаштирди. Шундан кейин иккала томон ҳам фаолликни оширди. Бу баҳсни голларга бой ўтмаган йил учрашуви, десак ҳам бўлаверади. Учрашув давомида ПСЖ 21, "Ливерпуль" эса 19 марта зарба беришга муваффақ бўлди. Аммо битта гол билан чекланди ва пенальтилар сериясига ўтилди. 

Серияда доимо камида бир дона "анти қаҳрамон" бўлади. Бу сафар бу мукофот Дарвин Нуньесга насиб қилди. У аниқ зарба беришига қарамай, Жанлужжи Доннарумма тўпни қайтарди ва кечанинг қаҳрамонига айланиб кетди. Пенальтиларда 4:1 ҳисоби билан Луис Энрике ғалаба қозонди. 

Бу мағлубият ҳаммадан ҳам Муҳаммад Салоҳ учун оғриқлидир. Сабаби, футболчилик фаолиятида давомида у "олтин тўп"га ҳар қачонгидан ҳам яқинроқ эди. Жамоанинг Чемпионлар лигаси нимчорак финалидан уйга қайтиши ҳужумчининг бу имкониятдан мосиво қилиш эҳтимоли юқори. Камига кураш аввалги йилларга қараганда анча қизғин кетмоқда...

Салоҳ ушбу мавсум та ўйинда майдонга тушиб, та гол урди ва та ассист амалга оширди. "Ливерпуль" АПЛ чемпиони бўлиши мумкин, лекин "Олтин тўп" учун бу етарли бўлмайди. Буёғи Чемпионлар лигаси ғолибига ҳам боғлиқ. Агарда "Барса", "Реал" ёки "Бавария" чемпион бўлса, курашда ким фаворит бўлишини ўзингиз яхши биласиз.