Xitoyliklar Evropadan yana bir futbolchini olib kelishmoqchi

"Napoli" yarim himoyachisi Xose Kalexon Xitoy klublarining birida faoliyatini davom ettirishi mumkin.

Xabarga ko‘ra, Xitoy klublari ispaniyalik futbolchiga juda yuqori maosh taklif qilishgan. Shu tufayli Kalexon neapolliklar bilan shartnomasini uzaytirmoqchi emas.

Ma’lumot uchun, 32 yoshli futbolchining klub bilan 2020 yilning yozigacha amal qiluvchi bitimi mavjud.

A Seriyaning joriy mavsumida, ispaniyalik yarim himoyachi 6 ta bahsda maydonga tushib, bitta gol urdi va 3 ta golli uzatmani amalga oshirdi.