Хўжайин Мбаппени шошилинч учрашувга чақирди

Мадриднинг “Реал” клуби президенти Флорентино Перес ҳужумчи Килиан Мбаппе билан шошилинч учрашув ўтказишни режалаштирди.

Учрашув француз футболчиси 11 июнь куни старт оладиган жаҳон чемпионатига кетишидан олдин бўлиб ўтиши кутиляпти.

Бу ҳақда AS хабар берди.

Манба маълумотига кўра, “Қироллик клуби” раҳбарини Мбаппенинг хулқ-атвори ташвишга солмоқда.

Перес ҳужумчининг жамоадан узоқлашиб қолганини билади, шунингдек, унинг айрим ҳаракатларини жамоадошлари ҳам тушунмаяпти.

“Реал”да ҳали ҳам амалдаги “Олтин бутса” соҳибини асосий футболчи деб ҳисоблашмоқда.

Переснинг ўзи Мбаппени жамоанинг энг зўр футболчиси сифатида қабул қилади, аммо “Реал”да ҳеч ким ўрнини босиб бўлмайдиган ва алиштириб бўлмас ўйинчи эмас.