Холанд биринчи супертаклифни рад этди!

“Боруссия” тўпурари Эрлинг Холанд ўзига “Манчестер Сити”дан келиб тушган биринчи таклифга рад жавобини берди.

Хориж матбуотининг ёзишича, “шаҳарликлар” 21 ёшли ҳужумчига йилига 28 миллион евро тўланадиган шартнома тақдим қилган эди. Табиийки, бу ўзига юқори баҳо берадиган тўпурарни қаноатлантирмади.

Айни пайтда норвегиялик футболчи “Реал” таклифини кутяпти. Мадридликлар ёзда Килиан Мбаппедан ташқари Холандни ҳам ўз сафига қўшиб олмоқчи. Бироқ, хали унга расмий таклиф билдирилмади.

ПСЖ яқинда Холанда бир мавсум учун 50 миллион евро маош тўлашини билдириб, Мбаппенинг ўрнига Париж клубига қўшилишни таклиф қилган. Шунингдек, “Барселона” ҳам Холанд трансфери учун маблағ топилганини маълум қилган.