Холанд энг зўр футболчи кимлигини айтди

“Боруссия” ҳужумчиси Эрлинг Холанд 2021 йил якунлари бўйича дунёнинг энг кучли футболчиси кимлигини айтди.

- Менимча, биринчи рақамли футболчи, шубҳасиз, Роберт Левандовски. Карим Бензема ҳам зўр ўйнади ва Лионель Месси ҳақида ҳам шундай дейин мумкин. Шундай экан Бензема ва Месси иккинчи-учинчи поғонани бўлишиб турибди, - деди Эрлинг Холанд.

Аввалроқ, “Бавария” ҳужумчиси Роберт Левандовски ФИФА талқини бўйича 2021 йилнинг энг яхши футболчиси бўлганди. Бу танловда у ПСЖ юлдузи Лионель Месси ва “Ливерпуль” тўпурари Муҳаммад Салоҳни ортда қолдирди.

“Олтин тўп-2021” соврини учун курашда биринчи ўрин Мессига, иккинчиси поғонада Левандовскига насиб қилган бўлса, “Челси” вакили Жоржиньо кучли учликни якунлаб берди.