Холанд: Гвардиола телбароқ экан!

“Манчестер Сити” сафида дебют учрашувида гол урган Эрлинг Холанд жамоа бош мураббийи Хосеп Гвардиола ҳақида фикр билдирди.

- Гвардиола сал телбароқ ва бу менга ёқяпти. Бу жуда қизиқарли кўринади. Клубга келганимга бир ҳафта бўлди ва ҳали кўп гапира олмайман. Мен яхши машқ қилдим, олдимдаги синовларга тайёрман, - деди норвегиялик ҳужумчи.

“Манчестер Сити” АҚШнинг Грин-Бей шаҳридаги “Лэмбо Филд” стадионида ўтказилган ўртоқлик ўйинида “Бавария”ни кичик ҳисобда мағлубиятга учратди.

Бундеслига чемпиони дарвозасига киритилган ягона гол муаллифи Эрлинг Холанд бўлди.