Xoland “Manchester Siti”ni kuchaytirgani yo‘q!

Angliyalik sobiq futbolchi Jeymi Karrager mamlakatning amaldagi chempioni “Manchester Siti” qudrati haqida fikr bildirdi.

Bu mutaxassis Angliya premer-ligasiga kelishi bilan to‘purarlik mahoratini namoyish etgan Erling Xoland jamoani qay darajada o‘zgartirganiga baho berdi.

- “Manchester Siti” Xoland o‘ynaganda va u bo‘lmaganda ikki xil jamoaga aylanib qoladi. Xoland kelganidan keyin jamoa ancha o‘zgardi. Lekin aslo kuchaygani yo‘q.

Hozir “shaharliklar” boshqacha ko‘rinmoqda. Biroq, o‘tgan mavsumdagi “Siti”dan hech qanday ustun tomoni yo‘q, - dedi Jeymi Karrager.