Xoland mavsum oxirigacha qancha gol uradi?

“Vest Xem” hujumchisi Maykl Antonio “Manchester Siti” debyutanti Erling Xolandga yuqori baho bermoqda.

- Xoland premer-ligada gol urish bo‘yicha mavsum rekordini o‘rnatib, raqib jamoalar himoyasini parokanda qiladi. Erling eng kamida 45 ta to‘p kiritadi, - dedi Maykl Antonio 22 yoshli hamkasbi haqida.

“Borussiya”dan 60 million evro evaziga transfer qilingan norvegiyalik hujumchi Angliya futboliga juda tez moslashdi.

Xoland premer-liganing o‘zida to‘qqizta uchrashuvda 15 ta to‘p kiritdi va uchta golli pas muallifi bo‘ldi. Shuningdek, Chempionlar ligasi va Angliya Superkubogida to‘rtta o‘yinda beshta gol urdi.