Холанд мавсум охиригача қанча гол уради?

“Вест Хэм” ҳужумчиси Майкл Антонио “Манчестер Сити” дебютанти Эрлинг Холандга юқори баҳо бермоқда.

- Холанд премьер-лигада гол уриш бўйича мавсум рекордини ўрнатиб, рақиб жамоалар ҳимоясини пароканда қилади. Эрлинг энг камида 45 та тўп киритади, - деди Майкл Антонио 22 ёшли ҳамкасби ҳақида.

“Боруссия”дан 60 миллион евро эвазига трансфер қилинган норвегиялик ҳужумчи Англия футболига жуда тез мослашди.

Холанд премьер-лиганинг ўзида тўққизта учрашувда 15 та тўп киритди ва учта голли пас муаллифи бўлди. Шунингдек, Чемпионлар лигаси ва Англия Суперкубогида тўртта ўйинда бешта гол урди.