Xoland meni aldab ketgan!

“Liverpul” futbolchisi Jeyms Milner bir necha yil muqaddam Erling Xoland bilan bo‘lgan suhbatni oshkor qildi.

O‘shanda liverpulliklar Chempionlar ligasida norvegiyalik futbolchi o‘ynagan “Red Bull Zaltsburg” bilan to‘qnash kelgan edi.

- Bir necha yil avval Xolandning jamoasiga qarshi o‘ynaganimizda, u menga “Lids” bilan shartnoma tuzmoqchi ekanini aytgandi. O‘shanda meni aldagan ekan, uning bu qilig‘idan hayron bo‘ldim, - dedi Jeyms Milner.

Xoland keyinchalik “Borussiya” safiga ko‘chib o‘tgan edi. Bu mavsumdan e’tiboran, u to‘purarlik mahoratini “Manchester Siti”da namoyish etib kelmoqda.