Холанд ПСЖ таклифини рад этди. Унинг мақсади аниқ!
"Боруссия" Дортмунд юлдузи Эрлинг Холанд ПСЖ клуби қизиқишлари доирасида тушиб қолганлини тўғрисида хабар берган эдик.
Маълумотларга қараганда, норвегиялик футболчи бу трансфер амалга ошишини истамаяпти. У фаолиятини Франция чемпионатида давом эттирмоқчи эмас. Париж клуби уни жамоани тарк этиши кутилаётган Килиан Мбаппе ўрнига харид қилишни режа қилганди.
Аввалроқ, ПСЖ Холанд трансфери учун 200 миллион евродан воз кечишга тайёр эканлиги ҳақида хабар тарқалганди. Футболчининг ўзи эса, кейинги йил "Реал" сафига бориб қўшилмоқчи. Бу унинг ёшликдаги орзуси ҳисобланади.
"Боруссия" ва Холанд ўртасида тузилган шартномага кўра, 2022 йилда Холандни 75 миллион еврога қўйиб юбориш банди кучга киради. Катта эҳтимол билан, гранд клублар шу фурсатни кутмоқда. 21 ёшли ҳужумчининг "Transfermarkt" порталидаги нархи 130 миллионга баҳоланмоқда.
Фикрлар