Холанд қайси ҳужумчига ҳавас қилишини айтди

“Манчестер Сити” юлдузи Эрлинг Холанд “Реал” тўпурари Карим Бензема ҳақида илиқ фикр билдирди.

- “Реал”даги Карим Бенземага қаранг. 34 ёшида ҳам йилдан йилга ўйинини яхшилаб бормоқда. Унинг спорт формаси ҳайратланарли ва мен ҳам шундай бўлишни истайман.

Мен “Манчестер Сити”га ўсиш ва ўрганиш учун қўшилдим. Мен янада зўр бўлиш имконини қидиришдан тўхтамайман, - деди норвегиялик ҳужумчи.

Холанд клублар миқёсида 187 та учрашувда рақиблар дарвозасини 138 маротаба ишғол қилиб, 37 та голли пас узатган.

Карим Бенземада бу кўрсаткич 756 та ўйин, 391 та гол ва 187 та ассистни ташкил қилади.