Холанд қайси терма жамоаларни мундиалда фаворит деб билишини айтди
"Манчестер Сити" ҳужумчиси Эрлинг Холанд Қатардаги жаҳон чемпионатида ўзи фаворит деб биладиган жамоалар номини айтди:
"Фаворитлар... Менимча, Бразилия, Аргентина, Франция ва Англияни бу рўйхатга киритган бўлар эдим. Мен битта жамоани танлай олмайман. Сабаби уларнинг барчаси яхши ҳолатда. Шунинг учун мен ушбу тўртта жамоа номини санаб ўтган бўлар эдим", — деди Холанд.
Келаси якшанба, 20 ноябрь куни Қатарда футбол бўйича жаҳон чемпионати бошланади. Турнирнинг очилиш ўйинида Қатар ва Эквадор терма жамоалари майдонга тушади.
Қўшимча қиламизки, амалдаги жаҳон чемпиони Франция терма жамоаси ҳисобланади.
Фикрлар