Холанд трансферини биттада ҳал қиламиз!

Испаниянинг Sport нашри “Реал” раҳбарияти Эрлинг Холандни трансфер қилиш учун жуда катта ҳаракатни амалга оширишга тайёрланаётгани ҳақида ёзмоқда.

Норвегия терма жамоаси ҳужумчисини трансфер қилишга қодир жамоалар кўп эмас. Энг асосий фаворит сифатида “Манчестер Сити” тан олинган. “Барселона” президенти Жоан Лапорта ўйинчининг агенти Мино Райола билан алоқаларини ишга солиб, 21 ёшли тўпурарга даъвогарлик қилмоқчи.

“Реал” айни пайтда ПСЖ юлдузи Килиан Мбаппе билан узоқ йиллик ҳамкорлик ўрнатиш бўйича муҳим паллага киришмоқда.

Манбанинг таъкидлашича, мадридликлар франциялик ҳужумчи трансферини уддалаганидан кейин битта зўр таклиф билан Холандни ҳам ўз сафига қўшиб олишни мўлжаллаяпти.