Холанд янги шартнома олади

“Манчестер Сити” раҳбарияти дебют мавсумидаёқ тўпурарлик маҳоратини намойиш қилиб келаётган Эрлинг Холандга янги шартнома берадиган бўлди.

Яқинда норвегиялик ҳужумчининг шартномасидан уни 2024 йилнинг ёзида 180 миллион еврога харид қилиш мумкинлигини кафолатлайдиган банд олиб ташланди. Бош мураббий Хосеп Гвардиола клуб билан шартномасини узайтирганидан кейин, аввалдан келишилганидек, юқоридаги банд бекор қилинди.

“Шаҳарликлар” 22 ёшли футболчига қудратли клублардан қизиқиш бўлаётганини инобатга олиб, у билан битимни янгилаб қўймоқчи.

Тез орада норвегиялик форвард билан музокара бошланади. Мутахассислар Эрлинг Холанд “Сити”да ўзини бахтиёр ҳис қилаётгани боис, масала осон ечим топишини таъкидламоқда.