Холанд янгилик айтади

Таниқли журналист Николо Скира “Боруссия” ҳужумчиси Эрлинг Холанд тез орада қайси жамоани танлашанини эълон қилади.

Журналитнинг аниқлашича, норвегиялик тўпурарнинг кейинги клуби “Манчестер Сити” бўлади. Манчестерликлар ҳужумчи учун рақобатда “Реал” вакилларини ортда қолдирган.

Яқинда “шаҳарликлар” агар Холанд Манчестерга кўчиб ўтса, ҳафталик маоши  375 минг евродан ошмаслигини маълум қилганди. Хосеп Гвардиола жамоасида ана шу миқдордаги энг катта маошни Кевин де Брюйне олмоқда.

Холанд бу мавсум жароҳатлар туфайли кам ўйин ўтказди. 21 ёшли футболчи 29 та ўйинда ўз ҳисобига 28 та гол ёздириб қўйди.