Холанд — ушбу натижага эришган АПЛдаги 7-футболчи

31 август куни “Манчестер Сити” АПЛ 5-тури доирасида ўз майдони кечган “Ноттингем Форест”га қарши учрашувда ғалаба қозонди. Учрашув 6:0 ҳисобида якунланди.

"Шаҳарликлар" сафида ҳужумчи Эрлинг Холанд хет-трик қайд этди. Ўтган турда норвегиялик футболчи “Кристал Пэлас” дарвозасига ҳам 3 та гол урган эди.

Шу тариқа, Холанд Премьер лига тарихида кетма-кет иккита ўйинида хет-трик қайд этишга муваффақ бўлган еттинчи футболчига айланди.

Бунгача Лес Фердинанд, Иан Райт, Тьерри Анри, Дидье Дрогба, Уэйн Руни ва Харри Кейн шундай натижани қайд этишган.