Холанддан даҳшатли сермаҳсуллик

"Манчестер Сити" ҳужумчиси Эрлинг Холанд Чемпионлар лигаси доирасида "Севилья"га қарши ўйинда (4:0) иккита гол урди. 22 ёшли норвегиялик футболчининг ЕЧЛ мусобақаси доирасидаги урган голлари сони 25 тага етди.

УEФА матбуот хизмати хабарига кўра, Холанд Чемпионлар лигасида 25 та гол уриш учун бор-йўғи 20 та ўйин ўтказган. Бу турнир учун рекорд кўрсаткичдир.

Аввалроқ, бу рекорд Филиппо Индзаги ва Рууд ван Нистелройга тегишли бўлиб, улар Чемпионлар лигасида 30 та ўйин ўтказиб, 25 та гол уришган эди.