Холанднинг кейинги манзили аниқ бўлди

Норвегиялик тўпурар Эрлинг Холанд жорий мавсум давомида “Манчестер Сити” билан ҳамкорлигини 2034 йилнинг ёзигача узайтирган эди.

Бироқ нуфузли манбаларнинг аксарияти ҳужумчи шартномасида Холанд 2026 йили ёзда бошқа жамоага ўтишига имкон берувчи банд борлигини таъкидламоқда.

El Nacional нашрининг ёзишича, “Барселона” 2026 йилнинг ёзида Холандни олиш режасини ишлаб чиқмоқда. Каталонияликлар бир йил давомида бу трансфер учун 175 миллион евро топишни мақсад қилган.

Манбага кўра, Холанднинг узоқ муддатли битимида ўйинчини 2026 йили ёзда айнан мана шу суммага олиш имконияти киритилган.

“Барселона” айрим молиявий муаммолар борлигига қарамай, янги лойиҳани норвегиялик тўпурар атрофида шакллантирмоқчи. Холанд жамоанинг ҳозирги тўпурари Роберт Левандовски Каталониядаги фаолиятини якунлаганидан кейин унинг ўрнини эгаллаши кутиляпти.