Xolandning “Real”ga qachon o‘tishi hal bo‘ldi

“Borussiya” Dortmund hujumchisi Erling Xoland 2022 yilgacha “Real”ga o‘tmaydigan bo‘ldi.

Dortmundliklar rahbariyati 19 yoshli futbolchining agenti Mino Rayola bilan shunday kelishuvga erishganini ma’lum qildi. Futbolchining shartnomasi 2024 yilning yozigacha amal qiladi.

Qizig‘i, Xolandning shartnomasida futbolchining shu yilnig o‘zida “Real”ga o‘tib ketishiga to‘sqinlik qiladigan band yo‘q. Rayola norvegiyalik futbolchini Krishtianu Ronaldu bilan taqqaslab, agar u “Real”da to‘p suradigan bo‘lsa mavsumda 40-50 gol urishini ta’kidlamoqda.

Joriy mavsumda Erling Xoland klublar darajasida 34 ta uchrashuv o‘tkazib, 41 ta gol urdi.