"Хоразм"нинг ёзги йиғин режаси қандай?

Ўзбекистон Кубоги чорак финал баҳсига ва Про лига мусобақаларининг иккинчи давра учрашувларига муносиб ҳозирлик кўриш мақсадида "Хоразм" футбол клуби икки босқичли машғулотлар режасини ишлаб чиқди ҳамда биринчи босқич тайёргарлик машғулотларини Тошкент шаҳрининг "Чиғатой" футбол базасида тажрибали мутахассислар Хаким Фузайлов, Александр Ежов, Ғайратжон Ўдаев ва Темур Бекчановлар бошчилигида олиб бормоқда.

Биринчи босқич 12 июль санасидан Тошкент шаҳрининг Чиғатой футбол базасида олиб борилмоқда ҳамда 16 июль санасига қадар бўлиб ўтиши белгиланган.

Иккинчи босқич 16-28 июль кунлари Тошкент вилоятидаги "Дукент" ўқув-машғулот базасида бўлиб ўтиши режалаштирилган.

Йиғинга бир қатор истеъдодли футболчилар кўрик учун таклиф этилган, шунингдек, истиқболли маҳаллий футболчилар билан музокаралар олиб борилмоқда.

"Хоразм" матбуот хизмати.