Хойлунд Роналду услубида гол нишонлагани ҳақида гапирди

Хабарингиз бор, кеча Миллатлар лигаси чорак финал босқичи доирасида Португалия Дания билан куч синашиб, 1:0 ҳисобида мағлуб бўлди. Учрашувнинг ягона голини "Манчестер Юнайтед" ҳужумчиси ҳисобланган Расмус Хойлунд киритиб, Роналду услубида нишонлади. Ўйиндан кейин эса форвард Криштиану ва гол нишонлаши ҳақида ўз фикрлари билан ўртоқлашди. 
 
"У менинг кумирим. Бу ерда уни масхаралайдиган ҳеч нарса йўқ. Менга ва футбол карерамга Криштианунинг таъсири жуда катта. Унга ва Португалияга қарши ўйинда гол уриш бу бошқача ҳиссиёт беради. 
 
Роналду мен учун ҳамма нарса. Мен футболга Криштиану сабабли кўнгил қўйганман, Криштиану сабабли "Юнайтед" мухлисига айланганман, болалигимдан Кришга ўхшашни хоҳлаганман" - дея ўз фикрини билдирди. 
 
Маълумот ўрнида, Португалия Данияга қарши жавоб беллашувини 23 март куни ўтказади. Ушбу учрашув Тошкент вақти билан 00:45 да старт олади.