Хуршид Ғиёсов яна "Бунёдкор"да!

Мавсумни Жанубий Корея К2 Лигаси вакили ҳисобланган "Аньянг" клубида бошлаган ҳамюртимиз Хуршид Ғиёсов Ўзбекистонга қайтиб келгани ҳақида хабар берган эдик.

Сўнгги маълумотларга қараганда, Ғиёсов айни дамда ўзининг собиқ жамоаси ҳисобланган “Бунёдкор” таркибида машғулотларда иштирок этмоқда. У фаолиятини айнан “қалдирғочлар” сафида давом эттириши мумкин. Аммо, ҳозирча бу ҳақда расмий маълумотлар йўқ.

25 ёшли футболчи 2019 йилги мавсумда “Бунёдкор” сафида 25 та ўйинда майдонга тушиб, рақиблар дарвозасига 12 та гол урган эди.