Хуршидбек Норматовнинг жанги жиддий сабаб туфайли бекор бўлди

Професcионал бокснинг супер ярим ўрта вазн тоифасида (69 кг) фаолиятини олиб бораётган Хуршидбек Норматов (10-0, 3 КО) 20 январда "Show Time" канали орқали транслация қилинадиган бокс оқшомининг марказий жангида рингга кўтарилиши, ушбу жангда Норматовга мағлубиятсиз одимлаётган пуэрто-риколик Патрик Кора ( 10-0, 7 КО) рақиблик қилиши борасида хабар берган эдик. "DiBella Entertainment", "Salita Promotions", " Sampson Boxing" каби промоутерлик компаниялари ҳамкорликда ташкил этилаётган жанг кечаси Америка Қўшма Штатларининг Коннектикут шаҳридаги "Mohegan Sun" аренасида бўлиб ўтиши лозим эди.

Бироқ сайтимизга маълум қилинишича, Хуршидбекда коронавирус аниқланганлиги туфайли, жанг бекор қилинди. Ҳозирда аҳволи яхши ва кеча топширган тести натижаси соғлиқ нуқтаи назаридан ижобий чиққан.

28 ёшли Норматов Андижон вилоятида туғилган ва ҳозирда Бруклин шаҳрида ўз машғулотларини ўтказиб келмоқда. Норматов 2020 йил январь ойида Канадада бўлган 10-жангида Уриэль Эрнандес устидан очколар ҳисобида ғалаба қозонган.

Матнда хатолик топсангиз, ўша хатони белгилаб, бизга жўнатинг (Ctrl + Enter)