Хушхабар! Икки спортчимиз бронза медали учун курашни давом эттирадиган бўлди

Бугун Токио-2020 Олимпия ўйинларининг саралаш босқичларида иштирок этган эркин курашчиларимиз Ғуломжон Aбдуллаев (-57 кг) ва Жавраил Шапиев (-86 кг) имкониятни бой берган эди. Эртага улар бронза медали учун курашни давом эттирадиган бўлди.

Боиси ҳамюртларимизни мағлуб этган курашчилар Заур Угуев (-57 кг) ва Ҳасан Яздани (-86 кг) финалга йўл олди. Бу борада вакилларимиз дастлаб ўтиш босқичидаги рақибларини мағлуб этиши керак. Демак, эртага вакилларимизнинг ўтиш босқичидаги ва уни муваффақиятли якунлаган тақдирларида бронза медали учун курашадиган рақиблари қуйидагича:

-57 кг: Ғуломжон Aбдуллаев / Томас Гилман (AҚШ) – Ризо Aтри (Эрон);
-86 кг: Жавраил Шапиев / Стефан Рейхмус (Швейцария) – Aртур Найфонов (РОҚ).

Шунингдек, эртага -74 кг вазн тоифасида яна бир вакилимиз Бекзод Aбдураҳмонов ҳам ўз иштирокини бошлайди. Унга биринчи даврада Пуэрто-Рико вакили Франклин Гомес рақиблик қилади.

Фикрлар

Фикр қолдириш учун авторизациядан ўтинг!