Хушхабар! Ўзбекистонлик футболчи Премьер-лигада ўйнайди
Россия Миллий футбол лигаси ғолиби сифатида Премьер-лигага йўлланма олган “Ротор” клуби молиявий муаммолар туфайли юқори дивизионга ўтмаслигини маълум қилган эди.
Орадан озгина вақт ўтиб, волгоградликлар муаммо ечимини топди. “Ротор” клуби бош директори Андрей Рекечинский жамоа Россия Премьер-лигасида тўп суришини тасдиқлади.
- “Ротор” янги юридик шахс сифатида лицензиялаш жараёнини якунламоқда. Биз ҳукумат ва ҳомийлар кўмагига таянамиз. Жамоа Премьер-лигада ўйнайди, - деди Андрей Рекечинский.
Ушбу жамоада Ўзбекистон терма жамоасида 72 та учрашув ўтказган Виталий Денисов тўп суради. Шунингдек, машҳур ҳужумчимиз Максим Шацких ҳам “Ротор”да катта мураббий лавозимида ишламоқда.
Комментарии