Ямал: "Барселона"нинг ҳужум чизиғи энг яхшиларидан бири"

Ламин Ямал "Барселона" тактикасидаги ўзгаришларни баҳолади. Бу ҳақда "Marca" нашри хабар берди.

- Мухлислар бизнинг ўйинимизни мириқиб томоша қилишади. Биз тўғридан-тўғри ҳужум қиламиз. Агар мен тўпни қанотдан қабул қилиб олсам, мен 100% ўзимда бўламан. Мени ҳаракатланиш эркинлигим чекланмаган.

Эҳтимол, биз мудофаада олдинги йиллардаги каби яхши эмасмиз. Бироқ, ҳужум нуқтаи назаридан бу "Барса"нинг йиллар давомида энг яхши версияларидан биридир, - деди вингер клуб телевидениесига берган интервьюсида.

Маълумот учун, Трансфермаркт порталининг сўнгги маълумотларига кўра 17 ёшли ҳужумчининг трансфер нархи 30 миллион еврога ўсди ва 180 миллионни ташкил этди.