Ямал инстаграм саҳифасида Беллингем ва Рамосга мурожаат қилди

Бир неча кун аввал Бастони ўзининг инстаграм саҳифасида Ламин Ямал орқа фонда турган суратни жойлаштирганди. Ушбу постга "Реал" футболчилари Жуд Беллингем ҳамда Серхио Рамос лайк босган. Энг қизиғи, улар Бастонига обуна бўлмаган ва бунгача унинг ҳеч қайси постига лайк босишмаган. 

Ламин Ямал "Эл-класико"дан сўнг ўзининг инстаграм саҳифасига пост жойлаб, унинг изоҳига: бунга ҳам лайк босишни унутма, дея ёзиб қолдирди. 

2 кун аввал бўлиб ўтган "эл-класико"да "Барселона" 4:3 ҳисобида "Реал"дан устун келди. Ламин Ямал мазкур баҳсда гол урди ва ўйиндаги энг яхшилардан бири бўлди.