Ямал Мессига ўхшайдими? Деку жавоб берди

"Барселона" клубининг спорт директори Деку жамоа ҳужумчиси Ламин Ямал ҳамда жамоа афсонаси Лионель Месси ўртасидаги ўхшашлик ва уларни ўзаро таққослаш ҳақида гапирди.

“Ҳар кимнинг ўз ҳикояси бор ва шу сабабли уларни таққослаш ўринсиз. Лекин мен бу таққослашларни тушунаман. Футболда ҳамиша шундай бўлган. Қилиш мумкин бўлмаган нарса амалга оширилади. Таққослаш керак бўлмаганлар солиштирилади. Ямал - ноёб футболчи. У Мессига фақат шу жамоада ("Барселона") ўйнаётгани ва эрта ривожланганлиги билан ўхшаб кетади. Менимча, Ямалга уни Месси билан солиштиришлари жиддий муаммо бўлмайди. Аксинча, бу фахрланиш учун сабабдир. Бу яхши ёки ёмон бўлиши унинг ўзига боғлиқ", - деди португалиялик собиқ футболчи Mundo Deportivo нашрига берган интервьюсида.

Маълумот учун, 17 ёшли Ламин Ямал жорий йил Испания терма жамоаси таркибида Европа чемпионлигини қўлга киритди. У бу мавсум "Барселона" сафида жами 18 та ўйинда майдонга тушиб, ўз ҳисобига 7 та гол ҳамда 8 та голли узатма ёздириб қўйишга эришди.