Ямал: "Реал" яққол голли вазият ярата олмади"

"Барселона" вингери Ламин Ямал Испания чемпионатида "Реал" устидан 4:3 ҳисобида қозонилган ёрқин ғалабадан сўнг ўз фикрлари билан ўртоқлашди:

— "Ўйиннинг жуда муҳим бўлгани аниқ. Чемпионлар Лигаси мусобақасидан чиқиб кетганимиздан кейин бундай ўйин бўлгани ҳайратланарли. Менимча, биз бу мағлубиятни аллақачон унутдик. Азоб-уқубатлар инсонни ривожланишга ундайди.

"Реал" аниқ голли вазиятлар ярата олмади. Биз жуда бахтиёрмиз, лекин ишни давом эттиришимиз керак. Бу йил биз учун оғир бўлди, ўз стадионимизда ўйнай олмадик. Аммо "Монжуик" – бу ўзгача жой. Мухлисларга раҳмат. Ғалаба қозониш муҳим эди, бу бизни чемпионликка яқинлаштиради", — деди Ямал ўйиндан сўнг интервьюда.

"Барселона" Ла Лига якунланишига уч тур қолганида "Реал"ни етти очкога ортда қолдирмоқда.