Ямал: Сен бола ҳафсаламни пир қилдинг!

“Барселона” етакчиси Ламин Ямал Испания терма жамоасида ўзи билан бирга ўйнаган дўсти Нико Уильямснинг трансфери барбод бўлганидан хафа экани айтилмоқда.

Маълумки, каталонияликлар кетма-кет иккинчи йили Уильямсни қўлга киритишга жуда яқин келиб, охир-оқибат трансфердан қуруқ қолмоқда. Бу гал 22 ёшли футболчи “Атлетик” билан бирданига 10 йиллик шартнома тузиб, барча йўлларни ёпиб қўйди.

Diario AS нашрининг ёзишича, Ямал Нико Уильямснинг “Барселона”га ўтишдан бош тортганини эшитиб, ундан ҳафсаласи пир бўлган. 17 ёшли юлдуз дўсти билан бир жамоада ўйнашни орзу қилаётган эди.

Тез орада Ламин Ямалнинг ўзи ҳам “Барселона” билан узоқ муддатли ҳамкорлик шартномасини имзолайди.