Yamal va Gavi “Barsa”ga zo‘r o‘yinchi tanladi va uni olishni talab qilyapti
El Nacional nashrining yozishicha, “Barselona”ning yangi avlod yulduzlaridan Lamin Yamal va Gavi jamoada “Atletik” etakchisi Niko Uilyams bilan birga o‘ynashni istayapti.
Bu ikki futbolchi klub xo‘jayini Joan Laportadan Nikoni olib kelishni qat’iy so‘ramoqda. Jamoa bosh murabbiyi Xans-Diter Flik ham o‘z shogirdlari orasida 22 yoshli qanot hujumchisini ko‘rishga qarshi emas.
Germaniyalik mutaxassis Niko Uilyams jamoaning hujumkor salohiyatini oshirishi va Lamin Yamal bilan ikki qanotdan hujum uyushtirish imkoniyatlarini sezilarli darajada kengaytirishini ta’kidlayapti.
“Barselona” o‘tgan yozda ham bilbaoliklar etakchisini olishga uringan edi. Biroq “Atletik” belgilagan 58 million evro miqdoridagi badal puli moliyaviy ahvoli mustahkam bo‘lmagan kataloniyaliklarga og‘irlik qilmoqda.
Joan Laporta Niko Uilyamsni olish uchun “Atletik” rahbariyati “Barsa”ning bir necha o‘yinchilarini shartnomaga qo‘shish yoki pulni bo‘lib to‘lash kabi variantlarni taklif qilmoqchi.
Fikrlar