Ямалнинг ҳолати бўйича ташвишли янгиликлар пайдо бўлди

Испания терма жамоаси шифокорлари "Барселона" ҳужумчиси Ламин Ямалда жароҳат қайталаниши хавфи борлигидан хавотирда, деб хабар бермоқда манбалар. Ёш форвард апрел ойида клуб учрашуви пайтида жароҳат олган эди.

Жаҳон чемпионатидаги илк ўйинда Ямал Кабо-Вердега (0:0) қарши баҳсда захирадан майдонга туширилди ва сўнгги 20 дақиқада иштирок этди. Шифокорлар унга имкони борича камроқ ўйин вақти беришни тавсия этгани айтилмоқда, аммо амалда у режага нисбатан кўпроқ дақиқа майдонда қолди.

Испания терма жамоасининг навбатдаги рақиби Саудия Арабистони бўлади. Учрашув 21 июн куни ўтказилиши режалаштирилган. Cadena SER манбаларига кўра, Ямалнинг ушбу ўйинда майдонга тушиши борасидаги якуний қарор тиббий кўрик натижаларига қараб кейинроқ қабул қилинади.