Яман терма жамоаси устози йирик ҳисобдаги мағлубиятга қандай изоҳ берди?

Унинг дастлабки қисмида меҳмонлар устози Сами Ҳасан Ал Наш иштирок этди ва учрашув борасидаги ўз фикрларини билдириб ўтди.

"Бугунги ўйинда тажриба борасидаги фарқ сезилиб қолди. Ўзбекистонлик футболчилар бизнинг йигитларга нисбатан тажрибали эканлиги ўз сўзини айтди. Саудия Арабистони ва Сингапурга қарши ўйиндагидек ҳаракат қила олмадик.

Фаластинга қарши ўйиндаги Ўзбекистон бошқа жамоа эди Бугун улар ўз майдонида ҳаракат қилганликлари боис ўзгача руҳда майдонга тушишди ва бу якунда натижага ҳам таъсир кўрсатди

Олдинги икки учрашувдаги ўйинмизни кўрсата олмадик. Ҳужумлар ҳам қила олмадик. Яна бир сабаб бугун бизга асосий ҳужумчимиз йўқ эканлигидир. Қолаверса, Саудия Арабистонига қарши беллашувни ўз майдонимизда ўтказган эдик. Тўғри, ўша баҳс нейтрал зонада ўтди, аммо шунга қарамасдан кўплаб мухлислар бизни қўллаб-қувватлаб туришган эди.

Тўп назорати борасида оқсадик. Бизнинг кўплаб футболчиларимиз ёш эканлиги ҳам ўз таъсирини кўрсатди", - деди Яман устози.