Yana bir "Chelsi" hujumchisi sobiq jamoasiga qaytish niyatida

Hujumchi Timo Verner "Chelsi"da qolishni istamayapti. 

"90min" nashri bergan xabarga ko‘ra, 26 yoshli o‘yinchi sobiq jamoasi "Leyptsig"ga qaytishni istamoqda. U mazkur klub safida 2016 va 2020 yillar oralig‘ida to‘p tepgan. Germaniya terma jamoasi a’zosi Angliya grandining o‘ziga bo‘lgan munosabatidan norozi. 

O‘z vaqtida "aristokratlar" Timo transferi uchun 47.5 million evro sarflagan. Ayni vaqtda Domeniko Tedesko jamoasi bu pulni to‘lashga qodir emas. Buning uchun nemis klubi Nordi Mukiele va Ilaysh Moribani sotishi lozim. 

O‘tgan mavsumda Verner APL doirasida 21 uchrashuvda maydonga tushib, 4 ta golni o‘z hisobiga yozdirib qo‘ygan.