Yana bir taniqli sharhlovchi "Sport" telekanalida ish boshladi

"Futbol TV" telekanali sharhlovchisi Hasan Turdialev ham "Sport" kanalida ish boshladi. Bu haqda Orif Tolipov tvitterdagi sahifasida ma’lum qildi.

"Yaxshi yangiliklar turkumiga: Hasan Turdialiev "Sport" TVda ish boshladi. Hozir "Evrotur"dan chiqdik, kechqurun sharhda ishlaydi", deyiladi xabarda. 

Eslatib o‘tamiz, oldinroq "Futbol TV"ning boshqa sharhlovchilari Xayrulla Hamidov va Davron Fayziev ham "Sport" telekanalida ish boshlagan edi. Ma’lumot o‘rnida, ushbu telekanal hozirda Ispaniya La Ligasi, Italiya A Seriyasi, Chempionalar ligasi, Evropa ligasi, Millatlar ligasi va noyabrda Qatarda boshlanadigan Jahon chempionati translyatsiya huquqini qo‘lga kiritgan.