Яна бир терма жамоа муддатидан аввал Евро-2020 йўлланмасини қўлга киритди

Кеча Евро-2020 саралашидан ўрин олган бир қатор беллашувлар бўлиб ўтди.

Жумладан, Италия ўз майдонида Грецияни қабул қилди ва 2:0 ҳисобидаги ишончли ғалабани қўлга киритди. Эътиборлиси, ушбу ғалабадан сўнг Роберто Манчини жамоаси муддатидан аввал Европа чемпионати финал босқич йўлланмасини қўлга киритди.

Гап шундаки, Италия саралашнинг якунланишига 3 тур қолганда энг яқин таъқибчисидан нақд 11 очкога илгарилаб кетди. Шу тариқа “Скуадро Адзурро” кетма-кет 7-марта қитъа биринчилигида иштирок этиш йўлланмасига эга бўлди.