Яна бир юлдуз “Реал”га ўтишга рози бўлди

Ёзги трансферлар даврида янги футболчиларни олиш учун 178 миллион евро сарфлаб юборган “Реал” шу билан тўхтамоқчи эмас.

Мадридликлар нишонида “Челси” ярим ҳимоячиси Энцо Фернандес турибди. Аргентиналик жаҳон чемпионининг ўзи ҳам Хаби Алонсо бошлаган лойиҳага қўшилиш истагини билдирди.

Испаниялик мураббий ўз жамоаси марказида Жуд Беллингем, Федерико Вальверде, Орельен Тчуамени ва айнан Энцо Фернандесдан иборат тўртликни шакллантиришни мўлжаллаган.

Трансферлар бўйича экспертларнинг айтишича, “Реал” ва Фернандес ҳамкорликни йўлга қўйишига ягона ва энг катта тўсиқ “Челси” бўлиб турибди. “Аристократлар” етакчи ўйинчини қўйиб юборишга тайёр эмас.

“Қироллик клуби” мутасаддилари эса, Энцо Фернандес учун 150 миллион евро тикиш орқалм “Челси”ни трансферга кўндирмоқчи бўляпти.