Янги асрнинг энг зўр мураббийи ким? Ҳеч ким кутмаган мутахассис ғолиб бўлди

Футбол тарихи ва статистикаси халқаро федерацияси (IFFHS) XXI асрнинг энг яхши мураббийлари рейтингини тузди.

Унга кўра, айни пайтда “Тоттенхэм”ни бошқараётган Жозе Моуриньо янги асрнинг энг яхши мураббийи, деб эътироф этилди. Португалиялик мутахассис 2004, 2005, 2010 ва 2012 йилларда йилнинг энг яхши мураббийи совринини ҳам қўлга киритган.Шунингдек, Моуриньо 16 йилдан бери мунтазам равишда энг яхши мураббийлар ўнлигига киритилмоқда.

IFFHS рўйхатининг юқори қисмидан Йохаим Лёв, Алекс Фергюсон, Хосеп Гвардиола, Арсен Венгер, Карло Анчелотти, Висенте дель Боске, Диего Симеоне, Дидье Дешам, Марсело Бьельса, Фабио Капелло, Гус Хиддиник ҳам жой олди.