Yangi bosh murabbiy “Chelsi”ni qanday boshqarishini aytdi

Yanvarning birinchi kuni Enco Mareskani iste'foga chiqargan “Chelsi” klubi rahbariyati bosh murabbiylik angliyalik mutaxassis Liam Rosenyorga topshirilganini rasmiy e'lon qildi.

“Chelsi”  bilan 2032 yilning yozigacha amal qiladigan shartnomani imzolagan Liam Rosensor yangi bosh murabbiy sifatida o'zining fikr-mulohazalarini bildirdi.

- Men uchun “Chelsi” bosh murabbiyi etib tayinlanish katta sharaf. Bu – o'ziga xos ruhga ega, sovrinlarni qo'lga kiritishda boy tarixga ega klub.

Mening asosiy vazifam – ushbu o'ziga xoslikni saqlab qolish va har bir o'yinda ana shu qadriyatlarni aks ettiradigan jamoa yaratish, shu bilan birga yangi sovrinlarni qo'lga kiritishni davom ettirishdir.

Menga bunday mas'uliyatli lavozimni ishonib topshirishlari o'zim uchun juda katta ahamiyatga ega. Bu imkoniyat uchun va ushbu vazifani bajara olishimga bo'lgan ishonch uchun barcha daxldorlarga minnatdorchilik bildiraman.

Klub munosib bo'lgan muvaffaqiyatga erishish uchun qo'limdan kelgan barcha ishni qilaman. Men jamoaviy ishga, birlikka, jipslikka va o'zaro qo'llab-quvvatlashga qattiq ishonaman, aynan shu qadriyatlar qilgan barcha ishlarimizning asosida yotadi. Ular bizning muvaffaqiyatimiz uchun poydevor bo'ladi.

Nihoyatda iqtidorlu futbolchilar va xodimlar jamoasi bilan ishlash imkoniyatidan xursandman, maydonda ham, undan tashqarida ham mustahkam aloqalarni yo'lga qo'yib, har kim o'zini yagona maqsad sari intilgan bir butun jamoaning a'zosi sifatida his qiladigan muhitni yaratishni istayman, - dedi Rosenyor “Chelsi” rasmiy saytiga bergan intervyusida.