"Янги Пирло" учун "Интер" ҳам курашга қўшилди

Миланнинг "Интер" клуби "Брешия" ярим ҳимоячиси Сандро Тонали учун курашга қўшилди.

Sportmediaset нашри тарқатган хабарга кўра, "нерадзуррилар" "янги Пирло" дея эътироф этилаётган 19 ёшли италиялик футболчи учун 40 миллион евродан воз кечишга тайёр. Улар бу борада "Ливерпуль", "Ювентус" ва “Милан” клублари билан рақобатлашишларига тўғри келади.

Тонали жорий мавсум “Брешия” сафида жами 16 та ўйинда майдонга тушди ва ўз ҳисобига 1 та гол ҳамда 2 та голли узатма ёздириб қўйишга эришди.