Yangi stadion "Tottenxem"ni noyob rekord sohibiga aylantirdi

Londonning "Tottenxem" klubi Angliya premer-ligasida shu kunga qadar hech bir jamoa qilmagan ishni qildi.

Nihoyat kecha “shporlar” o‘zlarining yangi o‘yingohi - "Tottenxem Stedium"ga ko‘chib o‘tishdi. Bungacha esa jamoa o‘z uy uchrashuvlarini "Uayt Xart Leyn" va "Uembli" stadionlarida o‘tkazib keldi.

E’tiborli jihati shundaki, “Tottenxem”ga qadar hech bir APL klubi o‘z tarixida 3ta xar-hil uy stadionlarida o‘ynamagan edi.

Eslatib o‘tamiz, Maurisio Pochettino jamoasi ayni damda 64 ochko bilan premer-liga musobaqa jalvalida 3-o‘rinda bormoqda.