Yangi yulduzning “Siti”dagi maoshi oshkor bo‘ldi

“Manchester Siti” klubi mutasaddilari “Nottingem Forest” yarim himoyachisi Elliot Anderson transferi bo‘yicha 116 million funt sterling (135 million yevro) evaziga kelishuvga erishdi.

Bu haqida The Athletic jurnalisti Devid Ornshteyn xabar berdi.

Manbaga ko‘ra, 23 yoshli futbolchi “shaharliklar” bilan besh yillik shartnoma imzolaydi. Barcha bonuslar qo‘shilganda, u haftasiga taxminan 300 ming funt sterling (350 ming yevro) maosh oladi. Bu summa yiliga taxriban 17 million yevroni tashkil qiladi.

Shartnomada yana bir yilga uzaytirish imkoniyati ham nazarda tutilgan.

Qayd etilishicha, Anderson kuni Nyu-York shahrida tibbiy ko‘rikdan o‘tgan.

O‘tgan mavsumda yarim himoyachi barcha musobaqalarda 50 ta o‘yinda ishtirok etib, 4 ta gol va 5 ta golli uzatmaga mualliflik qildi.

Uning “Nottingem Forest” bilan shartnomasi 2029 yil yozigacha amal qiladi. Transfermarkt ma’lumotiga ko‘ra, futbolchining bozor qiymati 75 million yevroni tashkil etadi.