Yapon "samuray"i ikkinchi davradan o‘ta olmadi

Yaponiyalik Kei Nishikori va frantsiyalik Rishar Gaske Monreal shahrida o‘tayotgan "Masters" turkumiga kiruvchi musobaqada o‘zaro kuch sinashdi.

Keskin va murosasiz o‘tgan mazkur bahsda yapon "samuray"i raqibiga 7:6, 2:6, 6:7 hisobida imkoniyatni boy berib qo‘ydi.

Shu tariqa "Rogers Cup"ning uchinchi bosqichida Gaske ispaniyalik Roberto Bautista-Agut yoki argentinalik Diego Shvartsmanni sinovdan o‘tkazadigan bo‘ldi.