Япония клуби 53 ёшли ҳужумчи билан шартномани узайтирди

Япониянинг “Йокогама” клуби 53 ёшли форвард Казуйоши Миура билан шартномани 2021 йилнинг охиригача узайтирди. Эътиборлиси, бу Миура учун профессионал фаолиятидаги 36-мавсум бўлади.

“Менинг футболга бўлган иштиёқим давом этмоқда. Мен доимий равишда машқ қиламан ва ўз олдимга янги мақсадлар қўяман. Мен имкон қадар кўпроқ ўйин ўтказишни ва жамоамнинг ғалабаларга эришишига ёрдам беришни хоҳлайман”, - деди Миура.

Миура фаолияти давомида жами 669 та ўйинда майдонга тушган ва 187 та гол ҳамда 4 та голли узатмага муаллифлик қилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)